PANCAKAKI

PANCAKAKI (TURUNAN ATAWA SADULUR)

 

Pancakaki teh nyaeta perenahan jelema ka jelema deui anu sakulawarga atawa anu ka asup baraya keneh.

a. Rundayan atawa Turunan

- Anak : turunan kahiji

- Incu : turunan kadua, anakna anak

- Buyut : anak incu

- Bao : anakna buyut

- Janggawareng atawa canggahwareng : anakna Bao

- Kait Siwur : anakna janggawareng

- Ka handapna sekeseler

b. Ka Luhur

- Bapa : lalaki nu boga anak, salaki indung

- Indung : awewe nu boga anak, pamajikan bapa

- Aki : bapana indung atawa bapa

- Nini : indungna indung atawa bapa

- Buyut : indung/bapana aki atawa nini

- Bao : indung/bapana buyut

- Janggawareng : indung/bapana bao

- Kait Siwur : indung/bapana janggawareng

c. Ka Gigir

- Adi : dulur sahandapeun

- Lanceuk : dulur saluhureun

- Emang/Paman : adina bapa atawa indung (lalaki)

- Bibi : awewe adina bapa atawa indung

- Ua/Toa : lanceuk bapa atawa indung

- Alo : anak lanceuk

- Suan: anak adi

- Kapiadi : anakna emang/bibi

- Kapilanceuk : anakna ua

- Incu ti gigir : incuna adi

- Aki ti gigir : lalaki, adina atawa lanceukna aki/nini

- Nini ti gigir : awewe adina atawa lanceukna aki/nini

- Ua ti gigir : anakna lanceuk aki/nini

- Emang ti gigir : anakna adi aki/nini (lalaki)

- Bibi ti gigir : anakna adi aki/nini (awewe)

d. Istilah sejenna

- Adi beuteung : adina pamajikan/salaki

- Dulur sabrayna : dulur misan, anak paman, bibi atawa ua

- Dulur teges : dulur enya, saindung sabapa

- Indung Tere/kawalon : pamajikan bapa, lain anu ngalahirkeun urang

- Bapa Tere/Kawalon : salaki indung lain anu ngalantarankeun urang lahir

- Anak tere : anak sampakan ti salaki atawa Pamajikan

- Dulur pateterean : anak indung atawa anak bapa tere

- Cikal : anak panggedena- Pangais bungsu : lanceukna nu bungsu

- Bungsu : anak pangleutikna

- Baraya laer : baraya nu nurutkeun pancakaki geus jauh perenahna

- Teu Hir teu Walahir : teu baraya saeutik-eutik acan

- Bau-bau Sinduk : baraya keneh sanajan geus laer

- Dulur pet ku hinis : dulur teges

- Baraya : sakur nu aya pancakakina

- Karuhun : luluhur, jalma-jalma anu kungsi lila heulaeun urang nu ngarundaykeun urang

Sumber : Giwangkara Kaca 5 no. 2894 Taun Ka – 39 Bulan Maret 2012,

Ku Sunta Atmaja